كتب – محمد منصور – بسمله صلاح:

تصوير: مارفن عادل- سندس ياسر-يمنى عزت

أكد صانع المحتوى كريم السيد أن تقديم رسالة حقيقية من خلال كل فيديو هو هدفه الأساسي في مجال صناعة المحتوى، مشيرًا إلى أن النجاح لا يُقاس فقط بعدد المشاهدات، بل بالتأثير الذي يُحدثه المحتوى في حياة الناس.

جاء ذلك خلال اللقاء التعريفي مع طلاب قسم الإذاعة والتلفزيون بالمعهد الدولي العالي للإعلام بأكاديمية الشروق، حيث تحدث السيد بصراحة عن رحلته وتجربته مع السوشيال ميديا، والتحديات التي واجهها.

وقال السيد: “أكيد اتعرضت لانتقادات، ودي حاجة بتحصل لأي حد بيقدم حاجة على السوشيال ميديا، لأن الناس شايفة إن من حقها تقول أي حاجة. بس مع الوقت، بقيت أعرف أنا ماشي على طريق معين، وبقيت أقول لنفسي: اعمل اللي انت عايزه طالما مقتنع برسالتك.”

وعن مفهوم النجاح، أوضح: “فيه ناس بتشوف إن النجاح إنك تعمل فيديو ينجح ويجيب مشاهدات. لكن النجاح الحقيقي هو الاستمرارية، وإنك تأثر في الناس بجد، حتى لو بفيديو واحد. الفيديوهات اللي فيها توعية أو قضية اجتماعية بتحقق ده أكتر بكتير من أي فيديو ترفيهي لحظي.”

وأضاف: “فيه مواقف كتير خلتني أحس بالتأثير، زي لما حد يبعتلي ويقولي إنه اتعلم حاجة من فيديو أو غير رأيه بسبب تجربة شافها عندي. دي اللحظات اللي بحس فيها إن شغلي ليه معنى.”

وأكد السيد على أهمية المصداقية مع الجمهور، مشيرًا إلى أن “النبض الحقيقي هو إنك تبقى صادق.. إن الناس تحس إنك حقيقي، مش مجرد صورة أو استعراض”. وأضاف: “أنا بحب أكون شريك حقيقي في تجربة الناس، مش مجرد مؤثر بيقدم محتوى وبس.”

وختم حديثه بدعوة صناع المحتوى الجدد إلى التركيز على الرسالة قبل أي شيء آخر، قائلاً: “المحتوى التوعوي هو التحدي الحقيقي.. إنك تقدم حاجة تفيد الناس وتصدقها، وفي نفس الوقت تكون جذابة وواقعية.”