الرئيسية / المركز الإعلامي / الدكتورة فاطمة شعبان تقدم نصائح ذهبية لزيارة ناجحة لمعرض القاهرة الدولي للكتاب

الدكتورة فاطمة شعبان تقدم نصائح ذهبية لزيارة ناجحة لمعرض القاهرة الدولي للكتاب

نصائح ذهبية لو أول مرة تزور معرض القاهرة الدولي للكتاب

خصومات تصل لـ 90% للطلبة داخل معرض القاهرة الدولي للكتاب

نصائح لاختيار وشراء الكتب من معرض الكتاب

الثقافة وبناء الوعي

معرض القاهرة الدولي للكتاب من أكبر معارض الشرق الأوسط، بدأ في عام 1969 وكانت القاهرة بتحتفلبمرور 1000 عام على إنشائها. بيزور المعرض سنويا حوالي 2 مليون شخص، وبيشارك في المعرض كل سنة آلاف الناشرين من الدول العربية والأجنبية بالإضافة إلى المنظمات الدولية والوزارات والأجهزة الحكومية زي الهيئة العامة للاستعلامات ووزارة الاتصالات وغيرها.

وخلال الأيام الجايةهتبدأالدورة الرابعة والخمسين في الفترة من 24 يناير إلى 6 فبراير تحت شعار “الثقافة وبناء الوعي”. في مركز مصر للمعارض الدوليةاضغط هنا لخريطة المعرض.

… ولو أنت أول مرة تزور معرض القاهرة الدولي للكتاب السطور الجايةهتقدملك نصائح ذهبية لزيارة ناجحة لمعرض القاهرة الدولي للكتاب.

اختار الصديق قبل الطريق

علشان تكون زيارتك ناجحة انصحك تروح مع واحد أو اتنين من أصاحبك إللي اهتماماتهم قريبة من اهتماماتك، ويا ريتمتكترش لو ناوي فعلا تشتري. هتحتاج تسمع نصايح صحابك بالذات لو صاحبك دا سبق وراح المعرض قبل كدا. وكمان عشان لو فلوسك خلصت تلاقي حد يروحك.

أوعى تنسى شنطة الظهر دي مهمة جدا، وهتسهل عليك وانت بتلف في المعرض تشيل فيها حصادك من كتب المعرض، وبكدا تكون ايدك فاضية، لما تحب تقلب في الكتب أو تاخد لك عصير أو ساندوتش على الماشي. وطبعا الجو ممكن يكون برد فخلي معاك بلوفر زيادة وألبس كوتشي عشان هتلف كتير.

حدد قائمة بالكتب

من النصائح الذهبية في زيارتك الأولى للمعرض إنك تكون محدد الأماكن إللى هتزورها. اضغط هنا هتلاقي قائمة بكل دور النشر المشاركة في معرض القاهرة الدولي للكتاب،معاها خريطة توضح أماكنها في صلات العرض المختلفة، اطبعها أو خليها على موبايلكهتحتاجها. كمان هتلاقي شباب زيك ضمن “مبادرة أنا متطوع” ما تترددتش وأطلب منهم المساعدة مباشرة.

https://www.facebook.com/ivolunteeregypt

متنساش يكون معاك نوتة وقلم عشان تكتب ملاحظاتك عن الكتب إلليعايز تشتريها برة القايمة اللي كنت محددها، وكمان اكتب دور النشر اللي عايز ترجع تزورها تاني، وطبعا عشان تعمل ميزانيتك وتعرف صرفت كام وفاضل معاك كام.

احجز تذكرتك أونلاين

وعلشانمتضيعش وقتك في طوابير شراء التذاكر،احجز تذكرتك أون لاينمن هنا، ومش بس كدا الموقع الإلكترونيلمعرض القاهرة للكتاببيقدم لك خدمة أون لاين ممكن تشتري منها الكتب المشاركة في المعرض، ودا بالبحث عنها على الموقع أو تصفح دور النشر المشاركة والاطلاع على كتبهم،وهتوصلك الكتب خلال أسبوع بالضغط هنا. بس دا طبعا ما يمنعشانك تزور المعرض عشان الخصومات والفاعليات اللي ممكن تشارك فيها في المعرض مش هتتعوض.

https://cairobookfair.gebo.gov.eg/

لا تنسى كارنيه الجامعة

لو المثل بيقول “ما خف وزنه وغلا ثمنه”، أنا بقولك “ما زادت قيمته ورخص ثمنه”. خلي عنيك دايما على الخصومات والعروض إللى بتقدمها دور النشر، علشان كداباكد عليك”لا تنسى كارنيه الجامعة”.. دور النشر بتقدم خصومات كبيرة لطلاب المدارس والجامعات.

كمانوزارة الثقافةأعلنت عن خصومات خاصة للطلبة بنسبة تصل لـ 90%داخلالمعرض على 5 كتب من إصدارات الوزارة في المنافذ التالية: الهيئة المصرية العامة للكتاب، المركز القومي للترجمة، المجلس الأعلى للثقافة، دار الوثائق القومية، صندوق التنمية الثقافية، الهيئة العامة لقصور الثقافة.

أماكن مهمة لازم تزورها

في زيارتك الأولى لمعرض الكتاب أحرص على زيارة الأجنحة الرسمية للدول المشاركة في المعرض، والسنة دي ضيف شرف المهرجان المملكة الأردنية الهاشمية، بيوفروا خصومات كبيرة وهدايا تذكارية رائعة، وكمان فرصة لالتقاط الصور السيلفي مع اصحابك.

طبعا سور الازبكية لازم تخلي ليه وقت في زيارتك للمعرض، هتلاقي فيه كتب مستعملة لكبار الكتاب والمؤلفين دا غير الموسوعات والمراجع المهمة لدراستك وكمان الروايات العربيةوالأجنبية والمترجمة،هتلاقيهاعندهم بحالة جيدة وبسعر في متناول الأيد. بس دول لازم تفاصل معاهم جامد، ولو لاقيت كتاب مهم أوعى تحسسه انك محتاجه قوله هلف وأرجع لك.

الكتاب مش بيبان من عنوانه

في معرض الكتاب مقولة “الكتاب بيبان من عنوانه” مقولة خاطئة. احذر الوقوع في فخ العناوين الرنانة والأغلفة الجذابة، دا خطأ بيقع فيه الآلاف سنويا وبيكتشفوا بعد كدا أن المحتوى لا يناسبهم.

نصيحتي ليك تلقي نظرة على فهرس الكتاب، وتتصفح المقدمة والخاتمة عشان تعرف الهدف من الكتاب، وكمان اقرأ كام صفحة بشكل عشوائي عشان تقتدر تتعرف على أسلوب الكاتب. ولو دي أول مرة تشتري كتب دور على الكتب الحاصلة على جوائز أو كتب المشاهير، وكمان مهم تشتري الكتب المترجمة.

حضور الفاعليات وتكرار الزيارات

خليك فاكر المعرض مش كتب وبس، لاكمان فيه فاعليات كتيرة، ذي عروض المسرح والندوات والأمسيات الشعرية والعروض الشعبية،دا غير اللقاءات الفكرية وقراءات المقهي الثقافي وعروض مخيم الإبداع اللي بيشترك فيها كبار المفكرين والفنانين من مصر والبلاد العربية.وطبعا هيكون في اهتمام بصلاح جاهين لأنه شخصية المعرض، وهتكون في فاعليات كتيرة عنه هتخليك تعرف كتير عن فيلسوف البسطاء. ممكن لما تتعب من اللف تحضر واحدة منها هتستفيد جدا وهتريح شوية عشان تقدر تكمل لفتاني في المعرض.

أما نصيحتي الأخيرة لازم تروح المعرض على الأقل مرتين، مرة أول أيام الافتتاح عشان بتكون في كتب مهمة جدا وبتخلص بسرعة، ومرة قبل ما المعرض يقفل علشان تستفاد من الخصومات اللي بتعملها بعض دور النشر في نهاية المعرض.

… وفي الختام عزيزي القارئ لو عندك نصائح إضافية لزيارة ناجحة لمعرض الكتاب اكتبها لنا في الكومنتات.

شاهد أيضاً

“الصحفيين” تُحيي الذكرى الأولى لرحيل الكاتب الكبير ياسر رزق.. السبت القادم

تُحيي نقابة الصحفيين نقيبًا ومجلسًا، في الخامسة من مساء السبت المُقبل الموافق 4 فبراير الذكرى …